Kæra Fylkisfólk, Þá er komið að því að hrista okkur öll saman á aðventunni og skapa jólastemningu í Egilshöllinni á fimmtudag kl. 17.50 (6.des) með JÓLABÍÓI FYLKIS, þar sem við forsýnum nýju jóla-teiknimyndina "Goðsagnirnar Fimm" í 3 Vídd og með íslensku tali – sjá meðfylgjandi auglýsingu. Hér er á ferðinni bráðskemmtileg mynd fyrir alla fjölskylduna, frá þeim sömu og færðu okkur myndirnar um "Shrek", "Kung Fu Panda" og "Madagascar" (Dreamworks Animation). Allur ágóði sýningarinnar rennur til knattspyrnudeildar Fylkis og mun nýtast vel við rekstur yngri flokka félagsins. Miðaverð er 1.200 kr. Farið inn á þennan hlekk, Jólabíó Fylkis, skráið nafn, síma, og fjölda miða. Athugið, 200 miðar eru í sölu og ef vel gengur að selja á mánudag og þriðjudag verður bætt við 80-90 miðum. FYRSTIR KOMA, FYRSTIR FÁ. Afhending miða verður í Egilshöll frá kl 17. MÆTIÐ VEL TÍMANLEGA A.M.K. 30 MÍN. FYRIR SÝNINGU Í EGILSHÖLL OG KOMIÐ HELST MEÐ RÉTTA FJÁRHÆÐ Í REIÐUFÉ TIL AÐ FORÐAST RAÐIR! Sjáumst öll hress og kát á fimmtudaginn, og munið eftir þrívíddargleraugunum. Áfram Fylkir!